Bowle Waggis (Gegründet 1998)

Bowle Waggis - Logo
Bowle-Waggis
Fasnacht 1998 [mer strample]

Fasnacht 1998

   fir e suuberi Kultuur-Stadt Basilea 2001


   Fir das mir obigs Zyyl kene erraiche,
   darsch Hitte nimme uffe Bode saiche.
   Drumm luege mir an dere Fasnacht
   fir Zucht und Ordnig das es kracht.
   Fir d'Stadt macht Basel wirklig vyyl,
   z'Fuesss durch Basel, si hänn e Zyyl,
   e vo Auti befreiti Innerstadt
   macht jede Motorisierte platt.
   Kasch im Gundeli no go parkiere,
   wenn de vom Land willsch in d'Stadt go flaniere.
   Kunnsch emol gschaft von dr Arbet mit Dim Karre,
   kasch grad sofort wider uffs Land use faare.
   Bis du ändlig hesch e Standplatz gfunde
   parkiersch lieber z'Roderschdorf unde.
   Deert hesch nämlig e gueti Tramverbindig,
   düsisch mit em 17er Hai s'wird dir drümlig.
   Ains isch sicher, zimmlig Gwiss,
   Basel wird Mercedes-Stadt Swiss.
   Do muesch als A-Klässler kai Angscht me ha kasch di Freye
   deert wode nid faahre kasch, kasch au nid uff d'Schnurre kheie.
   Jetzt mien mir aber wirklig uffpasse,
   d'Zyrcher wänn uns dr Hammermma stääle mir kennes nid fasse.
   In dämm ganze Fusionnitis inne kunnts no schlimmer,
   wenn Zyri mit Basel zämme spanne will und das fir immer.
   Zur Kulturstadt im Joor 2001 isch es no e wiite Wääg,
   Drumm schnapp dä Bääse und bliib zwääg.

   Salli zäme, hebet no e scheeni Fasnacht ...

Fenster schliessen