Bowle Waggis (Gegründet 1998)

Bowle Waggis - Logo
Bowle-Waggis
Fasnacht 2000 [Mer kemme uff d Wält!]
Fasnacht 2000


   Pägglipöschtler in de Wäggsel-Joor -
   Aaforderigsprofil fir dr Pöschtler 2000


   Dr Pöschtler 2000 isch schurig schnäll,
   pinktlig, zueverlässig und im Kopf no häll,
   muess frauedrindlig sii,
   denn isch dr Nochwuggs glii drbii,
   in dämm Sinn saage mir euch,
   " gehet hin und vermehret euch",
   arbetswietig, bildet, mit viel Humor,
   " Freude herrscht" riefe mir alli im Chor,
   gueti Umgangsforme sin sehr wichtig,
   nur e Hochschuelabschluss isch richtig,
   Dumm gnueg dä Tschopp do z'mache,
   und grad no sälber driber z'lache,
   Ortskundig, immer wüssend wo är isch,
   Geografyy-Kenntnis falls iin emol Usserorts trifsch,
   Holzbai wääre guet zem bloche,
   bisch Hundefrind wääre si uss Knoche,
   blibsch bi dine nadyyrlige Schingge,
   wirsch nacheme Biss die ganz Zyt hingge,
   Notarzt-Ussbildig isch au nid schlächt,
   Knochefliggerei und Fysioterapyy isch rächt,
   E Körberbau ussem Schtudio wie dr Noldi,
   lot s'Härz vo jedere Maid heher schloo die Holdi,
   bruchsch Schultere grad und breit,
   e Bruschtkoorb wo nid usenander gheit,
   gegene Wind e aerodynamisch Gstell,
   Wätterfescht denn fyylsch dii "well",
   zwische Finger und Zeche hesch Schwimmhitt,
   und fir e Maraton bisch am ganze Kerper fitt,
   Kfz-Mechaniker muess är syy,
   denn nur wenn du kasch e Panne behebe bisch drbyy,
   Laschtwage, Bus, Auto, oder Döff,
   Moped, Velo, Dreirad sich kai Blöff,
   Trodinett oder sogar e Fäähri stüüre,
   denn bisch dr Pöschtler en Unghüüre,
   s'wichtigscht jedoch isch,
   dass du jederzyt ersetzbar bisch.
   
   Priefigsuffgoob:        E suubere Stämpel
   
   
   
   
   
                                       beschtande:
   
   
   
   Bewärbige schigge Diir bitte diräggt an:
   Herr Brief marke, Pägglistr. 5, 6969 Couvert
   "D'Poscht machts meglig, dass Iiri Poscht-
   sändig nie aakunnt"
   
   Scheeni Fasnacht!

Fenster schliessen