Bowle Waggis (Gegründet 1998)

Bowle Waggis - Logo
Bowle-Waggis
Fasnacht 2000 [dr Schuss isch duss!]
Fasnacht 2001

   Bi uns im container isch gar nyt In Ordnig


   Z'erscht dr Yyzug vo de Gladiadoore
   wär hett ächtsch s'Renne jetzt scho verloore
   es sin im Momänt no alli high
   und wänn au sicher noonig hai
   bi dr erschte Flaischbeschau unter dr Duschi
   blittlet nid nur s'hische Uschi
   nai alli zaige sich im Färnseeh nackig
   es sin aber nid alli wirglig knackig
   scho schryte si zer erschte Daagesufgoob
   die haisst wie baschtle mir uns e Wäschedroog
   do das d'Ussewält aber wenig interessiert
   hänn die vom TV 3 rasch intregiert
   schnäll hänn sii e Schaltig nach Amerika gmacht
   dert will ein zem Huus uuse und verliertsi Macht
   Zwai stryte sich zem iinekooh
   hänn baidi au vyyl Stimme iberkooh
   doch kenne die uss Ibersee
   nid rächne das kenne mir jede Daag vernee
   es hett sich uusegstellt bim maschinelle zelle
   das dr Zellcomputer Exbestanddail us dr MIR si duet schelle
   au im Bundescontainer z'Bäärn
   mach si uff Grosse-Brueder und hänn sich gärn
   leehn si doch e paar Usswäärtigi iihne
   kaine vo deene will uuse sich zem griine
   sperre sich dert im Hyysli yy
   und dringge dert uff unseri Rächnig e Gleesli Wyy
   wo sii den dochno usegworfe worde sin
   sueche si sich z'Basel e neye Container sisch e Gwinn
   un demonschriiere in der Wiehnachtszyt ohne Gyz
   fir iihre Container-Frinde vo usserhalb dr Schwyz
   Au im Zolli isch me uffe Container gstosse
   wo Bääre drinn lääbe uns duets fascht verbloose
   Infolge Platzprobleem im Huus
   isch Abwaahl-Sunntig isch e Gruus
   Grad die drei Jingschte die mien gooh
   hänn s'Gnade-Brood iberkooh
   das duet ganz Basel stark erschittere
   drumm dien mir iber die Gleetzi nur no gwittere
   mir ziehn jetzt am Schluss e Resuméee
   mir wänn me Sex, Katastroofe und Abartigs gseeh
   es isch wie im normale Läbe
   mir sin erscht zfriide wenn mir sii im Färnsee gseehn stärbe
   drumm an alli BigBrother gaile, freuet eych
   dr zwaiti Container-Dail wird dr glychi Saich
   

Fenster schliessen