Bowle Waggis (Gegründet 1998)

Bowle Waggis - Logo
Bowle-Waggis
Fasnacht 2003 Fasnacht 2003 [mir gsenn duure!]
Bilder Umzug          Bilder Vorbereitung

   Tout Bâle baut


   E Stadt im Umbruch, mir zaiges vor
   ai grossi Bauschtell, vo der Mäss bis zem Spaledor
   Inowatif, fortschridligg, wirtschaftlig e Maischter-stigg
   wird abgschpert, abgrisse, uffbau, s'isch halt Schigg
   Mit de schenschte, greschte, modärnschte Baute wänn mir glänze
   d'Staararchitegte fille sich mitem verdiente Gäld nur d'Ränze
   Die neye Baute hänn aber au iihri Magge
   s'will nid alles eso wies setti glappe
   Nämme mir nur emol der Joggeli-Park
   s'modärnschti, beschti Stadion, dass isch stark
   hett scho Riss und isch bereits scho veraltet
   fir d'Euro 2008 vo de Erbauer z'glyy gschtaltet
   Hätti der Muusfäld das Stadion gresser blaant
   hätti der EffCeeBee nomeeh abgsaahnt
   D'Problem wäre aber nid glainer worde
   bim Aaschtooh wärsch wohrschynlig gschtorbe
   Mir frooge uns, isch der CEO Hegi gnuegg Ryff
   und griegt das Tiggeting ändlig in Griff
   Au der Mässedurm, och hecher aifach herlig
   isch schlussändlig, sinn mir eehrlig
   e Gebilde baut im Gressewahn
   fir d'Schwyz undauglig, drai uff der goldig Franggehahn
   E Name muess aane "Bebbi-Silo", ich hoff
   das es dert nid eso stinggt wie uffeme Buurehof
   d'Bahnhof-Pasarelle isch au e Hit
   wenn de morn nid iberfaahre wirsch denn halt hit
   Unseri Brugge sinn doch s'Wunder
   die Usaag sorgt fir Zunder
   druurigi Gebilde anstell vonere Goldengeit
   der alti Bach sait die sinn aberverhait
   d'Wirtschaft uff drab halte isch kai bschiss
   au wenns schiefgoot siehe Swissair/Swiss
   Der Flughaafe wird umbaut fir hecheri Uffgobe
   villicht rächne die mittere Horde vo Schwobe
   Au im Bundeshus wird uss alt, ney
   Anstell vom Ruthli kunnt Calmi-Rey
   Die hänn dert worschynligg bi Basel gschbiggt
   denn in Sache Fassade isch de Bärner au nyt gliggt
   Doch wänn mir nid nur iber all die Baute ungge
   ohne die wär d'Wirtschaft scho lang verdrungge
   also kemmet und bauet alli mit
   wenn's nyt bringt denn schadets nit
   
   
Fenster schliessen